Noss stgazi natiral.
Nossa responsabladad.

Strategia da biodiversitad
dal Grischun 2023-2032

Nus vivain en in chantun da muntogna. Durant tschientaners avain nus influenzà e furmà la natira dal Grischun. Cun detg bler success! Quai betg sco ultim, perquai che nus avain adina puspè emprendì dals sbagls ed essan ans concentrads sin nossas fermezzas. Cun la Strategia da biodiversitad dal Grischun definescha la Regenza la direcziun per ils ulteriurs pass. Nus lavurain a favur da la natira, betg cunter ella. Noss pass da realisaziun marcain nus cun il segn «Terraviva».

News

Nossas communicaziuns actualas

Rangerdienst Verein Rheinschlucht (Foto © Christa Malär)

Scolaziun da rangers per l’emprima giada a Maiavilla

Questa stad ha la scolaziun etablida da rangers dal Center da furmaziun per il guaud Lyss lieu per l’emprima giada en la Svizra Sidorientala, quai en cooperaziun cun il Center da furmaziun per il guaud Maiavilla.

Hochmoor Fulried am Stelserberg in Schiers (Foto © oekoskop)

Biodiversitad e clima

Il clima e la biodiversitad èn colliads fermamain in cun l’auter ed influenzeschan in l’auter. Ina nova app dat invistas pli profundas.

Saatgut Semenza Retica (Foto © Andreas Bosshard)

Semenza regiunala

Semenza Retica s’engascha per l’utilisaziun da semenza autoctona en il Grischun – per dapli diversitad da las spezias, per sistems ecologics pli stabils e per in futur persistent.

Weidepflege in Form von Holzräumung (Foto © Naturpark Beverin)

Prender per mauns empè da cliccar

Lavurar per e cun la natira fa bain a la biodiversitad – ed er a nus sezs. Prender per mauns cuminaivlamain insatge fa plaschair, collia e procura per aventuras che restan ditg.

Colliar la savida, concentrar las forzas

Far cuminaivlamain ils dretgs pass per la biodiversitad e per nossa populaziun. Quai è nossa finamira. Per quest intent ha il chantun collià la savida e las experientschas dals uffizis e dals stakeholders e concentrà las forzas en ina strategia.

Waldohreule sitzt auf einem Ast (Foto © Peter Grischott) — Waldohreule (Foto © Peter Grischott)

Ussa èsi cler!

En la medias udin, vesain e legiain nus mintga di, tge consequenzas che resultan pervia de la reducziun da la biodiversitad globala. Ma vala quai er per il Grischun, nua ch’ils capricorns vivan quasi davant porta? 4 sfidas mussan quai.

Alpleben Erlebnisweg Somtgant Radons (Foto © Mattias Nutt)

Occurrenzas

In stgazi natiral sveglia las mirveglias. Noss partenaris dattan ina invista da quai che viva. Els mussan er, tge ch’i dovra, per che nus possian surdar a nossas biadias e noss biadis in chapital natiral multifar.

Noss stgazi natiral. Nossa responsabladad.

Strategia da biodiversitad dal Grischun 2023-2032