Jugendliche im Einsatz für die Natur (Foto © Bergwaldprojekt)

Esser là
e sa participar

Lavurar cun ils mauns, observar in tschess u scuvrir insects da l’aua – la biodiversitad fa part da noss mintgadi. En questa rubrica mussain nus pussaivladads, nua ch’ins po sa participar. Tgi che sa participescha, emprenda: da la natira ed in da l’auter. Ensemen cun auters èsi pli divertent. Nus raquintain er istorgias da glieud che s’engascha en il mintgadi e che ans inspireschan uschia. Savens èn quai gist las pitschnas decisiuns en il mintgadi, che han in grond effect. L’entusiassem è contagius. Per noss stgazi natiral grischun vala quai la paina.

Pussaivladads da sa participar

Familie mit dem Forscher Kit des Parc Ela auf der Alp Flix (Foto © Lorenzfischer.photo)

Natur(g)Wunder – viadi d’exploraziun

Parc Naziunal Svizzer | Avais gia savurà ina giada l’odur d’acid da furmiclas? U legì ils fastizs d’in tschierv? L’excursiun per uffants e famiglias fa in viadi d’exploraziun en la natira – en moda divertenta e cun senns averts.

Blauschwarze Holzbiene (Foto © Thomas Marent)

Gidar a perscrutar insects

Il Parc Ela è in’oasa d’insects. In terz da tut las spezias d’insects svizras enconuschentas viva qua. As participai a la perscrutaziun dals insects. Annunziai Vossas observaziuns.

Weidepflege in Form von Holzräumung (Foto © Naturpark Beverin)

Daventar activ – engaschaments da lavur voluntara

Parc natiral Beverin | Saja quai cun allontanar chaglias d’ina pastgira u cun sanar in mir sitg: Firmas, classas da scola ed ulteriuras gruppas privatas pon s’engaschar cun tutta forza a chaschun d’in engaschament da lavur voluntara en il Parc natiral.

Fliessgewaesser erforschen (Foto © Schweizer Pärke)

Perscrutar auas currentas – purschida d’aventuras per classas da scola

Biosfera Val Müstair | Biocenosas en l’aual mussan il stadi da las auas. La classa po vesair quai directamain. Ella examinescha las creatiras en l’aual, mesira la temperatura da l’aua e perscrutescha l’ecologia da la cuntrada.

Muntada S-charl, Engadin Scuol Zernez (Foto © WOM Medien GmbH, Andreas Meyer, Graubünden Ferien)

Manifest da muntogna – Stad

Grischun | L’ediziun da stad dal Manifest da muntogna dal Grischun mussa en diesch puncts simpels co ir cun respect cun las muntognas e cun tut las creatiras che vivan là. Noss stgarp natural – nossa responsabladad.

Rehbock in den Rebbergen (Foto © Peter Grischott)

Per in stgazi natiral vali la paina d'avair mirveglias!

Ch’i saja durant in «Rendez-vous am Mittag», a chaschun d’in referat da «NATURsPUR» u en in’occurrenza da «La natira la saira» – il Museum da la natira dal Grischun mussa la bellezza, la raffinezza e la misteriusadad dal stgazi natiral grischun. En las regiuns porschan ils parcs grischuns ulteriuras occurrenzas.

Esser là e sa participar