Uschia reagescha il chantun
sin las 4 sfidas
- Ils 16 d’avrigl 2024 ha la Regenza grischuna deliberà la Strategia da biodiversitad dal Grischun. 20 finamiras empermessas per las proximas generaziuns grischunas fixeschan la direcziun da l’agir da la Regenza sco er da la collavuraziun tranter ils uffizis e dals uffizis cun ulteriuras acturas ed ulteriurs acturs. Per l’emprima etappa da realisaziun (2023–2028) èn definidas 28 mesiras orientadas als resultats. Responsabel per coordinar la realisaziun è l’Uffizi per la natira e l’ambient.
Strategia da biodiversitad dal Grischun
2023-2032
La Strategia da biodiversitad da la Regenza dal chantun Grischun metta il focus sin quellas valurs natiralas e prestaziuns dal sistem ecologic, ch’ils umans e las proximas generaziuns grischunas dovran il pli urgentamain – en spezial en temps da la midada dal clima.
- Fegl d’infurmaziun 3: Strategia da biodiversitad dal Grischun 2023-2032
Carnet da mesiras 2023–2028
En il carnet da mesiras vegnan definids pass per cuntanscher las finamiras da l’emprima etappa da realisaziun da la Strategia da biodiversitad dal Grischun (2023–2028). Las mesiras sa basan mintgamai sin las enconuschientschas actualas davart il stadi, las fermezzas, las flaivlezzas, las schanzas ed ils privels da la biodiversitad en il chantun.
- Fegl d’infurmaziun 4: Carnet da mesiras 2023-2028
Far quai ch'è realisabel a dretg temp
Management integral da l’aua
Pensar cuminaivlamain en intschess idrografics – management integral da l’aua
Controllar l’efficacitad resguardond plirs facturs
Flums ed auals vivs – controllar l’efficacitad resguardond plirs facturs
Auas pitschnas
Auas pitschnas – augmentar la valur, colliar e stgaffir da nov
Funtaunas
Funtaunas – chapir sco spazis da viver e tractar cun quità
Palids
Palids idrologicamain restrenschidas en il chantun – revitalisar e sanar
Guauds umids, biotops da guaud rars
Guauds umids ed auters biotops da guaud rars – serrar largias da savida, adattar la cultivaziun
Biotops en il guaud
Palids autas e palids planivas sco er pastgiras e prads sitgs en il guaud – mantegnair e promover
Optimaziun da las mesiras SPB
Mantegnair e promover la biodiversitad sin la surfatscha utilisada da l’agricultura ed en il territori d’alpegiada – optimar la realisaziun e l’effect ecologic da las mesiras existentas
Cumbatter la desertificaziun
Cumbatter la desertificaziun – mantegnair il patrimoni natiral
Sustegn dals purtaders locals
Agid per gidar sasez – sustegnair stentas localas per mantegnair e per promover la biodiversitad
Sanar axas da colliaziun
Cumbatter effects da divisiun – sanar sistematicamain axas da colliaziun
Mantegniment ecologic da las scarpas da las vias chantunalas
Biodiversitad a l’ur da la via – mantegniment ecologic da las scarpas per lung da las vias chantunalas
Bostgs da biotops en la cuntrada averta
Bostgs da biotops en la cuntrada averta – chapir, mantegnair e promover sco spazi da viver
Immobiglias chantunalas favuraivlas a la biodiversitad
Immobiglias favuraivlas a la biodiversitad – augmentar la valur ecologica e tgirar surfatschas verdas d’edifizis e da stabiliments dal chantun
Abitadis favuraivels a la biodiversitad
Abitadis favuraivels a la biodiversitad – sustegnair vischnancas sco er organisaziuns e firmas che sa stentan d’augmentar la valur ecologica e da tgirar surfatschas verdas
Spezias fitg raras e prioritaras
Spezias fitg raras e prioritaras en il chantun – mantegnair e promover
Semenza Retica
Semenza Retica – duvrar semenza locala indigena
Franar neofitas
Franar neofitas – ina incumbensa cuminaivla
Abilitads praticas per promover la biodiversitad
Far insatge – s’acquistar abilitads per promover la biodiversitad, rinforzar il barat d’experientschas
Cumpetenza ecologica en ils manaschis agriculs
Savair tge ch’i dovra – rinforzar la cumpetenza ecologica e l’atgna responsabladad en ils manaschis agriculs
Project da pilot «Manaschis da biodiversitad»
Project da pilot «Manaschis da biodiversitad» – indemnisar cun cleras finamiras las prestaziuns da biodiversitad en l’agricultura
Proxima generaziun da persunas ch’enconuschan las spezias
Identifitgar spezias – segirar la proxima generaziun da persunas ch’enconuschan las spezias
Management da las visitadras e dals visitaders / servetschs da rangers
Far experientschas en la natira cun agid da guids versads – servetschs da rangers
LiveAlpsNature
Biodiversitad e turissem en il territori alpin – realisaziun dal project LiveAlpsNature
Sensibilisar la populaziun, ils giasts e las autoritads
Emprender d’enconuscher e chapir meglier la biodiversitad – sensibilisar la populaziun, ils giasts e las autoritads
Nov Post spezialisà per l’educaziun ecologica da la SAPGR
Purschidas da furmaziun adequatas e confurmas al stgalim per persunas d’instrucziun e per scolas – nov Post spezialisà per l’educaziun ecologica da la SAPGR
Biodiversitad en il terren
Biodiversitad en il terren – emprender d’enconuscher ed avair quità dals buns spierts sut terra
Monitoring da la biodiversitad
Co vai cun la natira – endrizzar e manar in monitoring chantunal da la biodiversitad
Colliar la savida, concentrar las forzas
Instituziuns independentas da l’administraziun sustegnan il chantun en connex cun la realisaziun da la Strategia da biodiversitad dal Grischun. Quests posts da cumpetenza regiunals per dumondas e projects da biodiversitad han, sco «enablers», la confidenza da las autoritads localas e da la populaziun. Els promovan efficaziamain las stentas localas per mantegnair la biodiversitad. Cuntrari al chantun pon els er generar meds finanzials privats.